Film News
‘വൈറൽ’ അല്ലാത്ത പരീക്ഷണങ്ങൾ മാത്രം ; ജനപ്രിയമായി ഐഡിയ ബാസ്കറ്റിന്റെ ‘ലവ് ഡ്രാമാസ് ‘
![](https://skylarkpictures.in/wp-content/uploads/2021/06/MAIN-THUMBNAIL-copy.jpg)
കഴിഞ്ഞ ലോക്ക് ഡൌൺ കാലം മുതൽ ഇൻസ്റ്റാഗ്രാമിലും ഫെയിസ്ബുക്കിലുമൊക്കെയായി കേൾക്കുന്ന പേരാണ് “ലവ് ഡ്രാമാസ്”. നമ്മൾ ഏവരുടെയും പ്രിയങ്കരമായിരുന്ന ഉപ്പും മുളകും പ്രോഗ്രാമിന്റെ ലൊക്കേഷനായ പാറമട വീട്ടിലാണ് ലവ് ഡ്രാമാസ് എന്ന ഈ സീരീസ് ഷൂട്ട് ചെയ്തിരിക്കുന്നത്. ആദ്യ 3 എപ്പിസോഡുകൾ വേവ്വേറയായും പിന്നീടുള്ള 2 എപ്പിസോഡുകൾ തുടർച്ച എന്ന രീതിയിലുമാണ് പ്രേക്ഷകർക്ക് മുന്നിൽ എത്തിയിരിക്കുന്നത്. മലയാളം വെബ് സീരീസ് ലിസ്റ്റിൽ ആദ്യമായിട്ടാണ് കപ്പിൾ ബേസ്ഡ് ആയിട്ടുള്ള ഒരു ഫാമിലി – കോമഡി സീരീസ് വരുന്നത്,
ഇങ്ങനെയൊരു സീരീസ് ചെയ്യാനുണ്ടായ ചിന്ത വന്നതെങ്ങനെ ?
” പ്രേക്ഷകർക്ക് കാണുമ്പോൾ അറിയാൻ പറ്റും, പലയിടത്തും ലവ് ഡ്രാമാസിന് പൂർണ്ണത കുറവാണ്. ഒരു സംവിധായകൻ എന്ന നിലയിൽ ഞാൻ ഒരു തരത്തിലും മികച്ചതല്ല എന്ന് നന്നായി അറിയാം. എനിക്ക് എഴുതാനും എക്സ്പ്ലോർ ചെയ്യാനും ഒക്കെയാണ് കൂടുതൽ താല്പര്യം, അതിൽ ഏറ്റവും കൂടുതൽ എക്സ്പ്ലോർ ചെയ്യുന്ന വിഷയമാണ് പ്രണയം. ‘ലവ് ഡ്രാമാസ്’ ന്റെ ജനനം അങ്ങനെയൊരു കലഹത്തിൽ കലാശിച്ച പ്രണയത്തിൽ നിന്നാണ്. ആദ്യമായ് മനസ്സിൽ വന്ന ചിന്ത, മൂന്ന് തരത്തിൽ വ്യത്യസ്തമായ ജീവിത ശൈലിയുള്ള ഭാര്യാഭർത്താക്കന്മാർ. അവർ എങ്ങനെയാകും പല സന്ദർഭങ്ങളിൽ പെരുമാറുക. ഇതിൽ നിന്നാണ് ലവ് ഡ്രാമാസിന്റെ ആദ്യ ഡ്രാഫ്റ്റ് കിട്ടുന്നത്. പിന്നീട് അത് ഒരു ചാനലിന് വേണ്ടി ആദ്യമായി ചെയ്യുകയും ചെയ്തു. ആ ചാനൽ ഉടമസ്ഥർ ഈ വിഷയത്തോടും കണ്ടന്റിനോടും തുടർന്ന് വിയോജിപ്പ് പ്രകടിപ്പിച്ചിരുന്നത് കൊണ്ട് ലവ് ഡ്രാമാസ് അവിടെ നിർത്തണം എന്ന് ചിന്തിച്ചിരുന്നു. പക്ഷെ ഉള്ളിൽ വീണ്ടും പ്രണയവും അതിന്റെ ചിന്തകളും തലപൊക്കി തുടങ്ങി, ഈ ഒരു സീരീസ് സ്വന്തമായി ചെയ്യാനൊരു ധൈര്യം അങ്ങനെയാണ് കിട്ടിയത്. മനസ്സിലാദ്യം തോന്നിയത് പാറമട വീട് തന്നെയായിരുന്നു, ആ വീടിനോളം പോന്ന മറ്റൊരു വീട് ഞങ്ങൾക്ക് ഒരിക്കലും കിട്ടുമായിരുന്നില്ല. ”
ചിലവുകളെ കുറിച്ച് ?
” സീരീസിന്റെ ആദ്യ രണ്ട് എപ്പിസോഡുകൾ എന്റെ സുഹൃത്തായ എൻ ആർ ഐ യാണ് പ്രൊഡ്യൂസ് ചെയ്തിരുന്നത്, തുടർന്നുള്ള എപ്പിസോഡുകൾ സ്വയം ലോൺ എടുത്താണ് നിർമിച്ചിരിക്കുന്നത്. ”
സാമ്പത്തിക നേട്ടം ലക്ഷ്യമില്ലെന്നാണോ ?
” ലവ് ഡ്രാമാസ് എന്നല്ല, ഐഡിയ ബാസ്കറ്റ് എന്ന ചാനലിൽ നിങ്ങൾ കാണുന്ന ഒരു വീഡിയോകളും മോണിറ്റൈസേഷൻ ഉന്നം വെച്ച് പോസ്റ്റ് ചെയ്തിട്ടുള്ളതല്ല. യൂടൂബ് ഇനിയൊരു കാലത്ത് വരുമാനം തന്നാൽ അതിന്റെ ഇരട്ടി ഇപ്പോൾ തന്നെ ചിലവായി കഴിഞ്ഞിട്ടുണ്ട്. ഇത് എന്റെയും എന്റെ കൂടെയുള്ളവരുടെയും ഒക്കെ ഒരു പാഷന്റെയും ഇന്ററസ്റ്റിന്റെയും പുറത്ത് ചെയ്യുന്നതാണ്. ചെയ്യാനിഷ്ടം ഇതാണെങ്കിലും, സാഹചര്യങ്ങൾ കൊണ്ട് ഞങ്ങളെല്ലാം മറ്റു തൊഴിലുകൾ ചെയ്യുന്നവരാണ്. ”
വൈറൽ ആക്കാൻ എന്തുകൊണ്ട് ശ്രമിക്കുന്നില്ല ?
” വൈറൽ ആക്കാൻ അതിലൊന്നുമില്ല അതുകൊണ്ടു തന്നെ. ഈ സീരീസ് കേവലം ഒരു ചെറിയ ശതമാനം ആളുകൾക്ക് മാത്രം മനസ്സിലാവുകയും സ്വീകരിക്കുകയും ഉള്ളു. ഇത് ഷെയർ ചെയ്യാനായി പലരെയും സമീപിച്ചിരുന്നെങ്കിലും ആരും തയ്യാറായിരുന്നില്ല. സ്വന്തമായി മാർക്കറ്റിങ്ങിന്റെ സാദ്ധ്യതകൾ ഉപയോഗിച്ചാണ് ഇതിനു പ്രേക്ഷകരെ കണ്ടെത്തുന്നത്. ”
ലവ് ഡ്രാമാസിൽ അഭിനയിച്ചവരെയാരെയും മുൻപ് കണ്ടിട്ടില്ല, പക്ഷെ പെർഫോമൻസുകളിൽ ആർക്കും ഒരു കൃത്രിമത്വം ഫീൽ ചെയ്യുന്നുമില്ല. ഇവരിലേക്ക് എങ്ങനെയെത്തി. ഓഡിഷൻ നടത്തിയിരുന്നോ ?
” അല്ല. ഒരു ഓഡിഷൻ എന്ന ഏർപ്പാടിൽ ഞാൻ വിശ്വസിക്കുന്നില്ല. ഇതിൽ അഭിനയിച്ചിരിക്കുന്നത് ബിബിൻ ബെന്നി, ജോവാന എലിസബത്ത്, ഗോപിക കെ എസ്, ചിന്മയ് ജയരാജ് എന്നിവരാണ്. ഇവരെക്കൂടാതെ ഐശ്വര്യ കർത്ത, കൃഷ്ണേന്ദു, ലിജു, വിഷ്ണു ആര്യൻ എന്നിവരും ഓരോ എപ്പിസോഡുകളിൽ ഉണ്ട്. ഇവരെല്ലാവരും എന്റെ സുഹൃത്തുക്കൾ തന്നെയാണ്. ഇവർക്ക് ഈ കഥാപാത്രങ്ങൾ ഇണങ്ങുമെന്ന് മനസിൽ തോന്നിയത് കൊണ്ട് അവരോട് പറഞ്ഞു അങ്ങനെ ചെയ്തു. ലവ് ഡ്രാമാസിന്റെ ക്രിയേറ്റീവ് സൈഡ് മെച്ചപ്പെടുത്തുന്നതിൽ ചിന്മയ്ക്കും ഗോപികയ്ക്കും പങ്കുണ്ട്. അതുപോലെ ഇതിന്റെ ഷൂട്ടിംഗ് സമയത്തെ ഇമ്പ്രോവൈസേഷനുകൾ എല്ലാം അവരവർ സ്വയം ചെയ്തിരിക്കുന്നത് തന്നെയാണ്. ഇതിന്റെ മറ്റ് അണിയറപ്രവർത്തകരും സുഹൃത്തുക്കൾ തന്നെയാണ്. ”
നെഗറ്റീവ് കമൻസ് കൂടുതലും എന്തിനെക്കുറിച്ചായിരുന്നു ? ഏറ്റവും കൂടുതൽ വേദനിപ്പിച്ച കമന്റ്സ് പറയാമോ ?
” നെഗറ്റീവുകൾ പെർഫോമൻസിന് ഒഴികെ എല്ലാത്തിനും പലരിൽ നിന്നായി കിട്ടിയിരുന്നു. ടെക്നിക്കൽ പ്രശ്നങ്ങളും എഡിറ്റ്, ഡയറക്ഷൻ, ഫോക്കസ് പാളിച്ചകളും ഒക്കെ ലവ് ഡ്രാമാസിന് ധാരാളമുണ്ട്. അവയെല്ലാം പോകെ പോകെ തിരുത്തുകയാണ് ഞങ്ങൾ. എന്നെ നെഗറ്റീവ്സ് വേദനിപ്പിക്കാറില്ല, മനസ്സിൽ തങ്ങി നിൽക്കുന്ന ഒന്നെന്നു പറയാൻ, നേരിട്ട് പരിചയമുള്ള ഒരാൾ ‘നിങ്ങളുടെ ഗ്രാഫ് താഴേക്കാണല്ലോ പോക്ക്’ എന്ന് പറഞ്ഞിരുന്നു, പക്ഷെ അയാളുടെ കമന്റ്റ് വന്ന വീഡിയോയാണ് ഞങ്ങളുടേതിൽ ഏറ്റവും വലിയ ഹിറ്റ്. ”
ഒരു സംവിധായകൻ എന്ന നിലയിൽ ഏറ്റവും കൂടുതൽ നിർബന്ധം പിടിക്കുന്നത് എന്ത് കാര്യത്തിലാണ് ?
” എനിക്ക് എപ്പോഴും പെർഫോമൻസുകളിൽ വലിയ താല്പര്യമാണ്, അതുകൊണ്ട് ആർട്ടിഫിഷ്യൽ ആകാതിരിക്കാൻ പരമാവധി ശ്രദ്ധിക്കും. എന്ത് സന്ദർഭമാണെങ്കിലും അതിനൊരു സിനിമാറ്റിക്ക് ടച് ഉണ്ടെങ്കിലും സ്വാഭാവികത ആണ് താല്പര്യം. എന്റെ കുഞ്ഞിങ്ങളാരും അഭിനയിക്കുകയാണെന്ന് തോന്നരുതെന്ന് സാരം. അതുകൊണ്ട് തന്നെ, നാലാം എപ്പിസോഡിൽ ജോവാനയും ബിബിനും അഭിനയിച്ച ഒരു രംഗം 22 ആം ടേക്കിലും, അഞ്ചാം എപ്പിസോഡിന്റെ മൂന്ന് പേജ് ക്ളൈമാക്സ് ഡയലോഗ്സ് 8 ആം ടേക്കിലുമാണ് ഓക്കേ ആക്കി ഇരിക്കുന്നത്. വെറും തുടക്കകാരാണ് ഞാനടക്കം വരുന്ന എല്ലാവരും, ഞങ്ങൾക്കിത്രയേയും ചെയ്യാൻ കഴിയുന്നത് വലിയ കാര്യമായി തന്നെ ഞങ്ങൾ കാണുകയാണ്. ”
എന്താണ് ‘ഐഡിയ ബാസ്കറ്റ് ‘ ? അങ്ങനെയൊരു പേരിനും ചാനലിനും പിന്നിൽ?
” സ്വപ്നം. ഐഡിയ ബാസ്കറ്റെന്ന പേര് എപ്പോഴോ ഒരു സ്വപ്നത്തിൽ ഞാൻ കണ്ടത് ഓർമയിൽ തങ്ങിനിന്നതാണ്. സർവവും നശിച്ചു നഷ്ടവും പേറി ഇരിക്കുന്ന സമയത്ത് ദൈവമായി തോന്നിച്ചതാണ് ഐഡിയ ബാസ്കറ്റെന്ന പേരിൽ ഒരു ചാനൽ തുടങ്ങാം എന്ന്. ചിന്തകളുണ്ടാവുമ്പോൾ അതിനെ പ്രോത്സാഹിപ്പിക്കുകയും കൂടെ നിൽക്കുകയും ചെയ്യുന്ന വളരെ കുറച്ചുപേർ മാത്രമടങ്ങുന്നതാണ് ഐഡിയ ബാസ്കറ്റ്, അത് ഞങ്ങളുടെ കുഞ്ഞാണ്. തുടങ്ങിയിട്ടിന്നുവരെ ഐഡിയ ബാസ്കറ്റിന്റെ ഇൻസ്റ്റാഗ്രാമിൽ പോസ്റ്റോ റീപോസ്റ്റോ ഇല്ലാത്ത ഒരു ദിവസം ഉണ്ടായിട്ടില്ല, എന്ത് തരം തിരക്കിലാണെങ്കിലും അത് മുടങ്ങുകയുമില്ല. ”
അവസാനമായൊരു ചോദ്യം കൂടി, കഥകളെവിടുന്നാണ്? ഐഡിയ ബാസ്കറ്റിന്റെ അടുത്ത വർക്കെന്താണ് ?
” അടിപൊളി. എന്റെ കൈയിൽ നിലവിൽ സിനിമയ്ക്കും സീരീസിനും ഒക്കെയായി ഏഴോളം കഥകൾ ഉണ്ട്. അതിൽ രണ്ടെണ്ണം വളരെ മുൻപ് ഡിഗ്രി സമയത് എഴുതിയതാണ്. അടുത്തതായി ചെയ്യുന്നത് ബംഗ്ലോവില്ല എന്ന് പേരിട്ടിരിക്കുന്ന ഒരു പ്രോജക്ടാണ്, അതിന്റെ കൂടുതൽ വിവരങ്ങൾ ഇപ്പോൾ ലഭ്യമല്ല. എന്റെ എല്ലാ കഥകളുടെയും ഉറവിടം സ്വപ്നമാണ്. കഥകളെഴുതാൻ ഇഷ്ടം രാത്രിയാണ്, രാത്രിയിൽ ഇരുന്നു ചിന്തിക്കാൻ പ്രേരിപ്പിക്കുന്ന പലതും ഉണ്ട്! അങ്ങനെ ചിന്തിച്ചുകൊണ്ട് എഴുതുമ്പോൾ കിട്ടുന്ന സുഖം ലോകത്തൊരു ലഹരിയ്ക്കും നൽകാനാവില്ല. ”
Idea Basket ന്റെ ഉടമസ്ഥനും സംവിധായകനുമായ അശ്വിൻ കെ എസ് പറയുന്നു.
ഐഡിയ ബാസ്കറ്റിന്റെ യൂടൂബ് ലിങ്ക്
www.youtube.com/Ideabasket
Instagram : @ideabasketib
Film News
സോപ്പ് ആണ് വില്ക്കുന്നത്, എന്നെയല്ല’; ഓണ്ലൈന് അതിക്രമങ്ങള്ക്കെതിരെ പ്രതികരിച്ചു ഐശ്വര്യ
![](https://skylarkpictures.in/wp-content/uploads/2023/04/Untitled-1-43.jpg)
അടുത്തിടെ തനിക്ക് നേരിടേണ്ടി വന്ന ഓൺലൈൻ ലൈംഗിക പീഡനത്തിനെതിരെ നടി ഐശ്വര്യ ഭാസ്കരന് രംഗത്തെത്തിയിരുന്നു. തന്റെ യൂട്യൂബ് ചാനലായ മൾട്ടി മമ്മിയിലെ ഒരു വീഡിയോയിൽ, നിരവധി പുരുഷന്മാർ തനിക്ക് വെറുപ്പുളവാക്കുന്ന സന്ദേശങ്ങൾ ഓൺലൈനിൽ അയച്ചതിനെത്തുടർന്ന് താൻ നേരിട്ട ആഘാതം അവർ പങ്കുവച്ചു. ആളുകൾ അയച്ച ചിത്രങ്ങൾക്കൊപ്പം ഏറ്റവും മോശം സന്ദേശങ്ങളെക്കുറിച്ചും വീഡിയോയിൽ അവർ സംസാരിച്ചു.
കഴിഞ്ഞ ഒന്നര ആഴ്ചയായി തുടര്ന്നുവരുന്ന ഒരു കാര്യത്തെക്കുറിച്ച് പറയാനാണ് ഈ വീഡിയോ. സോപ്പ് കച്ചവടവുമായി ബന്ധപ്പെട്ട് എന്റെ കോണ്ടാക്റ്റ് നമ്പറുകള് സോഷ്യല് മീഡിയയിലും മറ്റും നല്കിയിരുന്നു. പലരും ഈ നമ്പര് ദുരുപയോഗം ചെയ്യുകയാണ്. രാവിലെ 9 മുതല് രാത്രി 9 വരെ മാത്രമേ മെസേജ് അയക്കാവൂ എന്ന് പറഞ്ഞിട്ടും അര്ധരാത്രിയും അസമയത്തും മെസേജുകള് കൊണ്ടുള്ള ശല്യമാണ്.
മൂന്ന് പുരുഷന്മാരാണ് ഇതില് പ്രധാനികള്. ട്രൂ കോളറിലൂടെ അവരുടെ പേരും കിട്ടിയിട്ടുണ്ട്. ഞാന് സോപ്പ് ആണ് വില്ക്കുന്നത്. എന്നെയല്ല. ഞാന് നിന്നെയാണ് വാങ്ങാന് ഉദ്ദേശിക്കുന്നത്. വയസ്സായാലും കാണാന് കൊള്ളാം എന്നാണ് ഒരാളുടെ മെസേജ്. വേറൊരുത്തന് സ്വകാര്യ ഭാഗങ്ങളുടെ ചിത്രമാണ് അയച്ചുതന്നത്.
ഇത്തരം ശല്യം തുടരവെ ഒരു ദിവസം എനിക്ക് പാനിക് അറ്റാക്ക് ഉണ്ടായി. ഇതിന് ഒരു അവസാനം കാണണമെന്ന് എന്റെ മകള് പറഞ്ഞത് അന്നായിരുന്നു. വീഡിയോയിലൂടെ നിങ്ങള് എന്റെ വീട് മാത്രമേ കണ്ടിട്ടുള്ളൂ. എന്റെ പക്കലുള്ള രഹസ്യായുധം കണ്ടിട്ടില്ല. സെര്ബിയന് ബ്ലഡ്ലൈന് റോട്ട് വീലര് നാലെണ്ണമാണ് എനിക്കൊപ്പമുള്ളത്. ഇങ്ങോട്ട് തപ്പിപ്പിടിച്ച് വന്നാല് തിരിച്ചുപോക്ക് കഷ്ടമായിരിക്കും. ഒരു സ്ത്രീ തനിച്ച് താമസിച്ചാല് നിങ്ങള് എന്താണ് കരുതുന്നത്? ആര്ക്കും വന്നുപോകാമെന്നോ. അധ്വാനിച്ച് ജീവിക്കുന്ന സ്ത്രീയാണ് ഞാന്.
എല്ലാ പുരുഷന്മാരെക്കുറിച്ചുമല്ല ഞാന് പറയുന്നത്. മാന്യരായ ഒരുപാട് പുരുഷന്മാര് എന്റെ കൈയില് നിന്നും സോപ്പ് വാങ്ങാറുണ്ട്. പൊലീസിനെയോ സൈബര് ക്രൈം വിഭാഗത്തെയോ സമീപിച്ചാല് അത് വലിയ വാര്ത്താപ്രാധാന്യം നേടും. ചാനലുകള് എങ്ങനെ എഡിറ്റ് ചെയ്ത് കാണിക്കുമെന്ന് പറയാനാവില്ല. അതുകൊണ്ടാണ് സ്വന്തം യുട്യൂബ് ചാനലിലൂടെ ഇത് പറയുന്നത്. ഐശ്വര്യ പറഞ്ഞു.
Film News
‘മണീ, യാരാവത് പുടീങ്ക മണീ’;പൊന്നിയിൻ സെൽവൻ വേദിയിൽ വീണ്ടും കൈയടി വാങ്ങി ജയറാം
![](https://skylarkpictures.in/wp-content/uploads/2023/04/Untitled-1-42.jpg)
പൊന്നിയിൻ സെൽവൻ ആദ്യഭാഗത്തിന്റെ ഓഡിയോ ലോഞ്ചിനിടെ സംവിധായകൻ മണിരത്നത്തേയും നടൻ പ്രഭുവിനേയും അനുകരിച്ച് ജയറാം കയ്യടി വാങ്ങിയത് ആരും മറന്നുകാണില്ല.ഇപ്പോഴിതാ സിനിമയുടെ രണ്ടാം ഭാഗത്തിന്റെ റിലീസിനോടനുബന്ധിച്ച് നടന്ന മറ്റൊരു ചടങ്ങിൽ പ്രഭുവിനെക്കുറിച്ചുള്ള മറ്റൊരു കഥയുമായി വീണ്ടുമെത്തിയിരിക്കുകയാണ് ജയറാം.
തായ്ലാൻഡിലെ ചിത്രീകരണത്തിനിടെയുണ്ടായ രസകരമായ സംഭവം ജയറാം പ്രഭുവിന്റെ ശബ്ദത്തിൽ പറഞ്ഞത്. നമ്പി എന്ന കഥാപാത്രമായി തിരഞ്ഞെടുത്തശേഷം മണിരത്നം തന്നോട് കുതിരസവാരി പഠിക്കണമെന്ന് പറഞ്ഞിരുന്നെന്നും എന്നാൽ ഭയം കാരണം പിന്മാറുകയാണുണ്ടായതെന്നും ജയറാം പറഞ്ഞു.കുതിരസവാരി പഠിക്കണമെന്ന് പറഞ്ഞിരുന്നെന്നും എന്നാൽ ഭയം കാരണം പിന്മാറുകയാണുണ്ടായതെന്നും ജയറാം പറഞ്ഞു.
പിന്നെ ഷൂട്ടിങ് ലൊക്കേഷനുകൾ പതിയെ മാറാൻ തുടങ്ങി. ഇന്ത്യയിൽ പലയിടങ്ങളിലും ചിത്രീകരണം നടത്തിയശേഷം പെട്ടെന്ന് തായ്ലാൻഡിലേക്ക് പോകേണ്ടിവന്നു. അവിടെ പ്രാക്ടീസിന് കിട്ടിയ കുതിരകളെല്ലാം ഇന്ത്യയിലേതുപോലെ ആയിരുന്നില്ല.കുതിരയോട്ട പരിശീലനം കഴിഞ്ഞ കാർത്തിയും ജയം രവിയും വളരെ ക്ഷീണിതരായാണ് വരിക. കുതിരപ്പുറത്ത് കയറുമ്പോൾ എന്തൊക്കെ ശ്രദ്ധിക്കണമെന്ന് പ്രഭു സാറിനോടു ചോദിച്ചാൽ പറഞ്ഞുതരുമെന്ന് ഞാനവരോടുപറഞ്ഞു.
അങ്ങനെ ലൊക്കേഷനിലേക്ക് പ്രഭുസാർ വന്ന് അവർക്ക് രണ്ടുപേർക്കുമുള്ള ഉപദേശങ്ങളൊക്കെ കൊടുത്തശേഷം മണിരത്നത്തെ കാണാൻ പോയി. തനിക്കുള്ള കുതിരയെ അന്വേഷിച്ചു. കുതിരയെ കണ്ടതും അദ്ദേഹം പറഞ്ഞു, ഇത് ഒട്ടകം പോലെയുണ്ട് കയറാൻ കഴിയില്ല.”ഇക്കാര്യം പറഞ്ഞുകൊണ്ടിരിക്കുമ്പോൾ 30 കുതിരകളും പോരാളികളായി അഭിനയിക്കുന്നവരും വന്നു. അപ്പോൾ പ്രഭുസാറിന് വീണ്ടും ടെൻഷൻ. ഇതിലേതാണ് ആൺകുതിരയെന്നും പെൺകുതിരയെന്നും. അസിസ്റ്റന്റ് ഡയറക്ടർ ധനായോട് ചോദിച്ചു ഉറപ്പുവരുത്തി. തനിക്ക് കയറേണ്ട കുതിര ശരിയല്ലെന്ന് പറഞ്ഞെങ്കിലും മണിരത്നം ചെവിക്കൊണ്ടില്ല. ഷോട്ടിന് സമയമായപ്പോൾ പ്രഭുസാർ സംശയിച്ചതുപോലെ തന്നെ നടന്നു. അദ്ദേഹത്തേയും വഹിച്ചുകൊണ്ട് കുതിര ഓടി. ഒരു കാടുപോലുള്ള ഭാഗമുണ്ട് അവിടെ. 30 കുതിരകളും മുന്നിൽ പോയി. പ്രഭു സാറിന്റെ കുതിര പിന്നാലെയും. എല്ലാം കാട്ടിൽക്കയറി കുറച്ചുനേരത്തേക്ക് ഒന്നുമില്ല, നിശ്ശബ്ദത മാത്രം. ഒരു പത്ത് മിനിറ്റ് കഴിഞ്ഞപ്പോൾ പ്രഭുസാറും കുതിരയും തിരിച്ചുവന്നു. പിന്നാലെ ബാക്കിയുള്ള 30 കുതിരകളും. ഷൂട്ട് തുടങ്ങാമെന്ന് പ്രഭു സാർ പറഞ്ഞു. എല്ലാം കിറുകൃത്യമായി നടന്നു. ആ പത്ത് നിമിഷം കാടിനുള്ളിൽ എന്താണെന്ന് പിന്നാലെ ബാക്കിയുള്ള 30 കുതിരകളും. ഷൂട്ട് തുടങ്ങാമെന്ന് പ്രഭു സാർ പറഞ്ഞു. എല്ലാം കിറുകൃത്യമായി നടന്നു. ആ പത്ത് നിമിഷം കാടിനുള്ളിൽ എന്താണെന്ന് പ്രഭു സാറിന് മാത്രം അറിയാവുന്ന രഹസ്യമാണ്” -ജയറാം പറഞ്ഞു.
Film News
ഞെട്ടിപ്പിക്കുന്ന മേക്കോവറിൽ വിക്രം;തങ്കലാൻ മേക്കിംഗ് വീഡിയോ വൈറൽ
![](https://skylarkpictures.in/wp-content/uploads/2023/04/Untitled-1-40.jpg)
വിക്രം നായകനായി എത്തുന്ന പുതിയ ചിത്രം ‘തങ്കലാന്റെ’ മേക്കോവർ ആരാധകരെ മാത്രമല്ല സിനിമ പ്രേക്ഷകരെ ഒട്ടാകെ ഞെട്ടിച്ചിരിക്കുവാണ്. ചിത്രത്തിന്റെ മേക്കിംഗ് വീഡിയോ അണിയറ പ്രവർത്തകർ പുറത്തുവിട്ടു. കഥാപാത്രത്തിനായി വിക്രം നടത്തുന്ന ഡെഡിക്കേഷനുകൾ വീഡിയോയിൽ കാണാം. വിക്രമിന്റെ പിറന്നാളിനോട് അനുബന്ധിച്ചാണ് വീഡിയോ പുറത്തുവിട്ടത്.
ചിത്രം സംവിധാനം ചെയുന്നത് പാ രഞ്ജിത്താണ്. ജി വി പ്രകാശ് കുമാറാണ് ചിത്രത്തിന്റെ സംഗീത സംവിധാനം നിര്വഹിക്കുന്നത്.സ്റ്റുഡിയോ ഗ്രീനും നീലം പ്രൊഡക്ഷന്സും ചേര്ന്ന് ഒരുക്കുന്ന ചിത്രം നിര്മ്മിക്കുന്നത് കെ ഇ ജ്ഞാനവേല് രാജയാണ്.
മലയാളികളായ പാര്വതിയും മാളവിക മോഹനനും ചിത്രത്തില് പ്രധാന സ്ത്രീ കഥാപാത്രങ്ങളാകുന്നു. ‘തങ്കലാൻ’ എന്ന ചിത്രത്തില് പശുപതി, ഹരി കൃഷ്ണൻ, അൻപു ദുരൈ തുടങ്ങി താരങ്ങളും ഭാഗമാണ്. എ കിഷോർ ചിത്രത്തിന്റെ ഛായാഗ്രാഹണം നിര്വഹിക്കുന്നു.
Film News
‘സത്യമോ അസത്യമോ..പഴയെ കാര്യങ്ങൾ ഇപ്പോള് പറയേണ്ട ആവിശ്യം അച്ഛനില്ലായിരുന്നു’; ധ്യാന് ശ്രീനിവാസന്
![](https://skylarkpictures.in/wp-content/uploads/2023/04/Untitled-1-38.jpg)
ഈയിടെ ശ്രീനിവാസന് മോഹൻലാലിനെ കുറിച്ച് നടത്തിയ പ്രസ്താവനകൾ ഒരുപാടു ചർച്ചകൾക്ക് തിരികൊളുത്തിയിരുന്നു. മോഹന്ലാല് കാപട്യക്കാരനാണെന്നും മരിക്കും മുൻപേ എല്ലാം തുറന്ന് പറയുമെന്നും ശ്രീനിവാസന് അടുത്തിടെ നല്കിയ അഭിമുഖത്തില് വ്യക്തമാക്കിയിരുന്നു.ഇപ്പോഴിതാ വിഷയത്തില് തന്റെ അഭിപ്രായം പറയുകയാണ് ശ്രീനിവാസന്റെ മകനും നടനുമായ ധ്യാൻ.
അച്ഛൻ ലാൽ സാറിനെ പറ്റി ഇങ്ങനെ ഒരു സംഭവം പറഞ്ഞു. എന്നുവച്ചാൽ ഹിപ്പോക്രാറ്റ് എന്ന് പറയുന്ന സമയത്ത്, എനിക്കാണ് വിഷമം ഉണ്ടാക്കിയത്. എന്റെ ഒരു ദിവസം ആയിരുന്നു സ്പോയ്ൽ ചെയ്തത്. ഇപ്പോ എന്തിനാ അങ്ങനെ പറയേണ്ട കാര്യം എന്തിന് വേണ്ടി എന്നൊക്കെ ആലോചിച്ചായിരുന്നു അത്. അക്കാര്യം പറഞ്ഞ ആളുടെ ദിവസം അല്ല. എന്റെ ദിവസം ആയിരുന്നു പോയത്. നമ്മൾ അത്രയും ഇഷ്ടപെടുന്ന രണ്ട് ആളുകൾ. അതിൽ ഒരാൾ അങ്ങനെ പറയുന്ന സമയത്ത് കേൾക്കുന്ന നമുക്കാണ് വിഷമം ഉണ്ടാകുന്നത്. ഇതിനൊക്കെ മുമ്പൊരു ഷോയിൽ പോയപ്പോൾ ഇരുവരും ഒന്നിച്ചുള്ളൊരു ഫോട്ടോ ഷെയർ ചെയ്തൊരാളാണ് ഞാൻ. അത്രയ്ക്ക് സന്തോഷം കണ്ടപ്പോ ഷെയർ ചെയ്തതായിരുന്നു. അതുകഴിഞ്ഞ് ദിവസങ്ങൾക്ക് ശേഷം ഈ ഒരു വിഷയം വരുമ്പോൾ അത് സത്യമോ അസത്യമോ ആകട്ടെ( അച്ഛൻ കള്ളം പറയാറില്ല). അത് ഇപ്പോൾ പറയേണ്ട കാര്യം എന്താണ് എന്ന് നമുക്ക് തോന്നി പോകും.
സരോജ് കുമാര് ഇറങ്ങിയ ശേഷം അവരുടെ സൗഹൃദത്തില് വിള്ളലുണ്ടായിട്ടുണ്ടെന്ന് എല്ലാവര്ക്കും അറിയാം. ലാല്സാര് പണ്ടെപ്പഴോ അച്ഛനോട് വ്യക്തിപരമായി പറഞ്ഞ കാര്യം വര്ഷങ്ങള്പ്പുറം പറയുമ്ബോള് പറഞ്ഞ ആള്ക്കും കേട്ട ആള്ക്കും ഉണ്ടായതിനേക്കാള് വിഷമം ശരാശരി മലയാളികള്ക്കാണ്. ഒരു യുട്യൂബ് ചാനലിന് നൽകിയ അഭിമുഖത്തിൽ ആയിരുന്നു ധ്യാനിന്റെ പ്രതികരണം.
Film News
അസ്സൽ മമ്മൂട്ടി ലുക്ക്; സോഷ്യല് മീഡിയയില് താരമായി മമ്മൂട്ടിയുടെ സഹോദരീപുത്രന്.
![](https://skylarkpictures.in/wp-content/uploads/2023/04/Untitled-1-35.jpg)
മമ്മൂട്ടിയുടെ സഹോദരീപുത്രനാണ് അഷ്ക്കർ സൗദാൻ. അഷ്കറിനു മമ്മൂക്കയുടെ അതെ ലുക്ക് തന്നെയാണ് എന്നാണ് ആരാധകർ പറയുന്നത്. ഡിഎൻഎ എന്ന ചിത്രത്തിൽ അഭിനയിക്കുകയാണ് അഷ്കർ. സുരേഷ് ബാബുവാണ് ചിത്രം സംവിധാനം ചെയുന്നത്. ഡിഎൻഎ’ എന്ന സിനിമയുടെ പൂജ സമയത്തെടുത്ത അഷ്ക്കറിന്റെ വിഡിയോയാണ് സമൂഹമാധ്യമങ്ങളിൽ അടുത്തിടെ വൈറലായത്.
‘എന്റെ അമ്മാവനാണ് അദ്ദേഹം. രക്തബന്ധം എന്നൊക്കെ പറയില്ലേ. അദ്ദേഹത്തോട് സാദൃശ്യപ്പെടുത്തുന്നതു കാണുമ്പോൾ ഒരുപാട് സന്തോഷം തോന്നുന്നു. ഈ സിനിമയിൽ അഭിനയിക്കാൻ പോകുന്നതിനു മുമ്പേ അമ്മാവനെ പോയി കണ്ടിരുന്നു, അനുഗ്രഹം ചോദിച്ചു. ആകെ ഒറ്റ ചോദ്യമേ എന്നോട് ചോദിച്ചുള്ളൂ, ഡിഎൻഎയുടെ അർഥം എന്താണെന്ന്. ഒരു നിമിഷം ഞാൻ പകച്ചുപോയി. എന്ത് പറയണമെന്ന് അറിയില്ലായിരുന്നു. അദ്ദേഹം പറഞ്ഞു, ഡിഓക്സിറൈബോന്യൂക്ലിക് ആസിഡ് എന്നാണെന്ന്. അതിനി മരണം വരെയും മറക്കില്ല.
കോട്ടയം കുഞ്ഞച്ചനൊക്കെ വീട്ടിൽ നിന്നും ഒളിച്ചുപോയി കണ്ടിട്ടുള്ള ആളാണ് ഞാൻ. അങ്ങനെയുള്ള ഒരാൾക്ക് സുരേഷ് ബാബു സാറിന്റെ നായകനായി അവസരം കിട്ടുക എന്നു പറയുന്നത് തന്നെ ഭാഗ്യമാണ്.’’–അഷ്ക്കര് പറയുന്നു.
-
Photos4 years ago
സില്ക്ക് സ്മിതയെ പുനരാവിഷ്കരിച്ച് ട്രാന്സ് മോഡല് ദീപ്തി.. ചിത്രം പങ്കുവെച്ച് ദിയ സന!!
-
Film News4 years ago
പണ്ട് പൂവലന്മാരെ പേടിച്ച് ഷാളൊക്കെ മൂടിക്കെട്ടിയായിരുന്നു നടത്തം. എന്നാൽ മുംബൈയില് പോയപ്പഴാണ് അതിന് മാറ്റമുണ്ടായത് : ഗായിക മജ്ഞരി..
-
Film News4 years ago
ഞങ്ങളുടെ കുഞ്ഞിനെ ജാതിയും മതവുമില്ലാതെ വളർത്തും : അനു സിതാര
-
Photos4 years ago
റൊമാന്റിക് സിനിമകളെ വെല്ലുന്ന തരത്തിൽ ഒരു വെഡ്ഡിംഗ് ഫോട്ടോഷൂട്ട്… ചിത്രങ്ങൾ കാണാം!!
-
Celebrity3 years ago
മമ്മൂട്ടിയോട് വില്ലനാകുമോ എന്ന ചോദ്യം ചോദിച്ച അല്ലു അർജുന്റെ പിതാവിന് മമ്മൂക്ക കൊടുത്ത മറുപടി..അപ്പോഴേ അല്ലു അരവിന്ദ് ഫോണ് കട്ടു ചെയ്തു !!
-
Film News4 years ago
അമാലുവും ഞാനും ചെറുപ്പത്തിലെ ഒന്നിച്ചു പഠിച്ചവർ.. 25 വയസ്സായപ്പോൾ എനിക്കൊരു പ്രണയമുണ്ടെന്ന് വീട്ടിൽ പറഞ്ഞു : ദുൽഖർ സൽമാൻ
-
Film News4 years ago
അമ്മയും കുഞ്ഞും സുഖമായ് ഇരിക്കുന്നു.. അച്ഛനായതിന്റെ സന്തോഷം പങ്കുവെച്ച് സിദ്ധാർത്ഥ് ഭരതൻ.!!
-
Film News4 years ago
ഭർത്താവിനെ അപ്പായെന്നാണ് വിളിക്കുന്നത്.. വിഷ്ണുവിനെ അങ്ങനെ വിളിക്കാനുള്ള കാരണം വെളിപ്പെടുത്തി മീര!!